RAMENY PINY: Luya matindo-tindo chuer Kuom Kotrakta, Nyadendi Okelo Wendo e Otanda Dichwo

Itiekowa, jood Bura ma podho chieng ewi tuech mar Gilbert Masengeli

Jo-odbura ma aa podho chieng (kata Western Kenya) koro oumo wigi piny koramo ni tuech mane kot ong’ado ne ogaye mar obila Gilbert Masengeli mar dueye auchiel e od angech otudore gi buon mibuonogo dhoodgi.

Gilbert Masengeli.

Joburago koro wacho ni moko kuom ketho mane odonjnego Masengeli gin ketho mane otimore kinde Japheth Koome mabende nene en ogaye mar obila motelo ne ogaye masani.

Masengeli ne oyud gi ketho bang chayo kot ka ne ochweyo ma ok obiro chiwo duoko e wi kwayo mar golo rowere ma ichich-go ni obila ni gi malingling motudore gi lal-gi apoya (abductions).

Wach mar lal apoya osebedo kamedore ameda nyaka nyo rowere maluongore ni Gen Z tug ng’anyo mayande ichano e mbui.

Kenya Human Rights Commission (KHRC) ni gi rekod mar ji-66 moselal apoya.

Ker mar piny Moluor William Ruto osekwedo wachno kojiwo ni nyaka nyo okaw loch onge ja-Kenya moselal apoya.

Luya matindo-tindo chuer Kuom Kotrakta

Ariyo kuom kembe mag gedo mayande yako tenda kuom Srikal mar Kaunti nyowuoyo koro ni kama tek kaluwore gi lokruoge maosetim e apise mochung ne weche ng’iepo (procurement) e Kaunti ma Siaya.

Kaluwore gi weche malidhore en ni ja-odbura moro yande ochwalo kwayo ne bade Srikal mamalo matimo nonro mondo onon ane kembe ariyogo.

Wachore ni achiel kuom wege kembe ariyogo ne ogolo pesa tweta ne jal mane piem gi ja-odburano e yiero mokalo.

Wachore bende ni mopogore gi ndikruok adimba e bwo Companies Registration Act 486, kambi moro amora mondo oyud tenda mar gero ndara nyaka ndikre gi Engineers Board of Kenya to bende puodhe gi Institution of Engineers of Kenya (IEK).

Weg kembegi gin mana jo-ohala mane obukore ong’iewo tenda. Moko kuom tije manegitiyo osefweny ni ok nyal pwodhi nikech ok otimgi e yo maduarore.

Achiel kuom tije Kotrakta-go.

Achiel kuom kembegi notiyo gi nying mane giloso Siaya yudo tenda Homabay kod Busia.

Chik wacho ni koyangi ni kembegi notiyo tok chik to inyalo pe kata twe weg kembegi.

To ahinya ahinya jok mawinjo matek gin rowere maluongore ni Sangwenya ma moko kuomgi yande chulo udi kowuok kuom soda matin mayande achiel kuom weg kembegi chiwo.

CECM ma Siaya Ing’ulo Aduwa

Jago moro piny ngudho yo thurgi ni bang yudo tich kaka Minista e srikand Orengo podi osiko gi kido mar ngudi mayande en godo kata ka podi ok oyudo tich.

Mopogore gi kaka ji neno Minista jagoni podi osiko madho kon’go makech (spirits) ma bechgi ni piny e kar yueyo moro miluongo ni Kojema yo West Alego kucho.

Ministani ok ne kata e Harambee kod liete motimore thurgi. Kopenje to ojaduoko ni tij Srikal ok dua nyisruok.

Sani koro odino ne mege moti kwaye sukari nikech osiko oduoko ni: agol kanye?

Mine Moti wachoni: “Wuodwani ohero dala ndii kendo ok okos kalo gi Masidis. Wach malit en ni thuol onyuol e ofuke!”.

Nyadendi Okelo Wendo e Otanda Dichwo

Osiepa moro okwaya ni aket barupe-ni kaka ondikie.

“Mae nyalo bedo puonj kuom ng’ato angata ma kendne ok dhi maber.

Adak Kona Mbaya, Langas Estate, Eldoret. Higni abich mokalo ne akendo Nyar-Sakwa mawuok Wich Lum. Atiyo kaka bonsa mar ja-siasa moro marahuma e gwenge gi.

An gi black belt e tugo mar karate to napuonjora tiyo gi gige lweny kaka pala, beti gi bunde mopogore opogore ka podi an apisa mar GSU.

Machiegnini yande achich ni chiega chodo gi osiepna mawatiyogo kanyachiel. Osiepnani en onjelo jagot, otimo taekwondo to en e jatend bonsa mag Jatelo.

Ok nadwar kao okang kapodi ok amakogi rando.

Omiyo natimo gima iluongo ni sync mar namba jaoda mar WhatsApp e laptop-na. Koro aneno pile pile ote magi-oro ng’ato ne nyawadgi…….”

Editors note: the last story will be completed in the morning edition. We also have a confession from someone who was recruited into the Siaya gay community. Stay tuned.

dalanews.co.ke https://g.page/r/CerTmAWCtzj4EBM/review ¬¬¬¬¬¬¬¬¬¬ÿÛ C