RAMENY PINY: Otuom Polo Nyaka Ro, Mine koro Oramo

Chirni mag Chiaye iloro Ka Tuo mar Achany Omedo-nya

Apisa mochung ne weche Pur, Jamni kod Lupo e Kaunti ma Siaya koro medo jiwo ni two mar achany (foot and mouth disease) medo landore e gwenge moko Siaya manyalo chuno ni chirni mokiewo gi gwengego obi olor.

Kowuoyo gi jofwambo apisano nowacho ni tuo mar achany osebedo kanyayore e gwenge mokiewo gi chirni madongo mag chiaye e sab Kaunti mag Bondo, Rarieda, Gem kod Siaya. Omiyo sani Onge thuolo mar wuotho gi chiaye wuok sab Kaunti achiel kaidhi machielo.

Achany. E gwenge mag Kaugagi, West Alego tuo mar achany ne ithiedho gi tero dhok nyono pundo mangich e tie togo mar Nam Kanyaboli. Picha: Reuters

Lupot nyiso ni tuo mar Achany oselandore nyaka gwenge mag Kisumo e chiro Riat.

Okwa jopith Mondo obed akicha Ka chiwo lupot ne apisa mag weche Pur e gwengegi mondo ores nyarruok mar Achany.

Ranyisi mag achany komako chiaye (dhiang) to adhola wuok e kind okak tiendene, dhoge golo tik to gikone ume bedo modhiek seche te. Tuoni landore e yo mayot miwuoro. Bende onyalo nego dhiang.

Otuom Polo Nyaka Ro, Mine koro Oramo

Kaluwore kod lweny mayande otimore e-odbura ma Siaya kind ja-alengsi madichuo gi machielo mogwel madhako jo-siasa ma mine ei Siaya koro othichore oko kaging’ulo tim akwede ma osebed kitimonegi.

Achiel kuom jo-siasa madito mamine ma bende ne osethich oko e kom Minista ofuon’go ne DalanewsKE malingling ni mondo ng’ama miyo odhi maber e bwo otiko mar Pati moro (ma wapando nyinge) to nyaka nind kodi kata ichiw pesa ma kwan ne ok ong’ere.

Ja-odbura ma South Gem, Brian Anyango mabende ong’ere gi nying mar oledhi ni Otuom Polo. Picha: NMG

“Parono osenyaa ma mine isiko kijaro ma kata osomo kendo oromo gi tich motiyo to podi nitie mana to ni onindo gi ng’ato emomiyo ochopo e ong’ala mamalo. Ndalo kampen to koro rach miwuoro. Chalo ni kindeno eka jo-siasa ma chwo fwenyoga ni wadhi e dwe kod weche ma moko matimorega pile ne joma mine,” ja-siasa mamiyono nowacho.

Nomedo ni kata kamano Srikal mar Gavna James Orengo osetemo miyo mine thuolo marom gi chik manoketi mar achiel kuom adek (one-third gender rule). Nokwayo Spika mar asembli ma Siaya George Okode mondo okaw okang mager ne ja-odbura Otuom Polo ma bende itudo gi tim njoria e od Bura.

“Onge gima miyo mosomo kata molony e tich moro oremo. Mine nigi discipline mamalo mar obuongo gi character emomiyo ok yot mondo oyudgi e weche corruption. En wich kuot ka dichuo ma Jatelo goyore gi ng’at madhako e pablik” nomedo wacho.

Riwruok moro makedo ne ratiro mar mine bende noseyo miwuoro tim ja-odbura Otuom Polo kagiwacho ni dichuo magore gi dhako onego Oro.

ADVERTISEMENT dalanews.co.ke https://g.page/r/CerTmAWCtzj4EBM/review ¬¬¬¬¬¬¬¬¬¬ÿÛ C