RAMENY PINY: Mijumbe Iseyo Kuom Gero Fence, Ruodhi Agoko Duogo

Ugunja Mor ma Ne!

Matin nono bang loyo nyasi mag rwako mane ja-odbura makoro bende osepuodhi kaka Minista mar weche stima, Migosi James Opiyo Wandayi mor kendo okwako Ugunja Ka koro oseyangore ni supermarket ariyo madongo thur-ka chano yawo bedegi e taondni.

Pramuk Cash and Carry kaachiel gi Quickmatt Supermarket oseyango ni chako ohala Ugunja dwe mabiro mar Apar.

Bengi mabende sani omako jo-Kenya turi, Equity Bank be chano yao dhoot ne tich chak Januar mochomore gi klisia maduong mar joka-opere.

Luoro koro nitie ni bang yudo municipality Bondo kanyachiel gi Ugunja dhi madho Siaya taun e weche dongruok.

Nenore maler ni kopogore gi weche ajawa gi kuonde mitoye ngona, Siach Amoth K’Owira-ni nokuong ne weche dongruok.

Ruto Duoko Telo mar Agoko e Gwenge

Ker William Ruto nyoro noduoko teko mar Chife mako ng’ato angata e alwora magitiyoe ka pon ni gichich kode ni oketho chik. Teko makamano osebed ki golo e yor Amendment ne chike mag Kenya motudore gi Chiefs Act Cap 128.

Neoseyangi ni ruodhi tiyo gi agoko e tayo chik moriwo nyaka mayo jopiny. Bang Amendment mogik mane otim ne chik-no 1998, ruodhi ne ochiwo ywak ni apisgi koro onge teko.

Ruodhigo bende nyomi thuolo mar ndiko ji e tije mag gwenge mag Kazi Mtaani ma bende koro iluongo gi nying machielo.

Mijumbe Omo e Lela e wach Jwayo Sikunde

Mijumbe ma Alego-Usonga kendo nyoro omo ayanga e kar tudruok mar Facebook ka nyoro igolo moko kuom projekte ma sani oketoe nyinge kaka gedo mag NG-CDF. Ngeny-gi nyoyudi ni gin mana keto fence e skunde kae to ibawo ndiko maduong ni “Renovation done by NG-CDF patron Hon. Samuel Onunga Atandi”

Jo non weche ne kwer ni gero fence ok en “Renovation” mar skul omiyo mijumbe riambo kotiyo gi wach dho ngere ka koni bajet to nogo malo tweta.

Mibadhi maduong oyudi ni nie Committees mochung ne projekt mag CDF e gwenge.

ADVERTISEMENT dalanews.co.ke https://g.page/r/CerTmAWCtzj4EBM/review ¬¬¬¬¬¬¬¬¬¬ÿÛ C