Ruto-Gachagua: Weche Tek Ta!
Weche maliekore kowuok kuom yawa migeno (reliable sources) en ni nyoro (Ngeso) g’otieno weche nyomedo njaore e winjruok manyap mae kind Ker William Samoei Ruto gi jalupne Rigathi Gachagua.
Wachore ni tulo nyoro both omuoch e romo manyotimore e kind jotelogo e magawa moro e boma ma Nairobi kae ka Gachagua nyogoyo mesa matek e nyim jatende kodwaro ni omiye Pes Kenya madirom billion Aboro (KES 8 billion) eka ogwe tawo.
Ker William Samoei Ruto kaachiel gi jalupne Rigathi Gachagua chien kane weche beyo.
Wachore ni tim wang’ tekoni nyo Gachagua otimo ma ok odewo betie mar jabath Ker ma dhano oluoro tweta ma nyinge Farouk Kibet.
Wang’ teko ailani e achiel kuom ketho midhi donjne godo Gachagua eod Bura Tich Ariyo mabiro.
Wachore ni Gachagua koro orido ne Ker ni nyaka chule eka ogwe tawo.
Weche mamoko maliekore bende medo ni jatend piny koro chiwo million Abich ne ja-bura ka ja-bura mondo okadhi twak mar thicho oko Gachagua chieng Tich Ariyo. (Wechegi onge adiera mosirogi) Ka achiel kuom ja-odbura ma a Got Kenya to nowacho ni lweny mar thicho Gachagua oko en lweny magoyo dhood Atwara to ok bi yie ni okal twak mar thichono eod Bura.
Obila Ondhiyo Rose Akinyi Motudore gi Kwo Dhano
To komachielo lupot machoponwa e mesawa mar fwambo gi keyo en ni Rose Akinyi Mulamula mayande obila oseketo apedhane mager ne ondhi gi okwach kich kawuono.
Akinyi mawuok e gwenge mag Lirhembe e Kakamega County itudo gi kuo mar dhano koriwo nyaka mano mayande otimo ne familia moro Kakamega kowuondogi ni nidhi chulgi KES 9,000 dwe ka dwe ka nyathigi to ne idhi mi sponsa.
Jakuo Dhano, Rose Akinyi Mulamula.
Akinyi ne ondhi Kabete ka obila chwe reso nyithindo ariyo ma bende ne oyudego ka oonge ler-gi malong’o.
Obila moa Anti-human Trafficking and Child Protection Unit (ATCPU) koro oketo apedha mager ne joma iparo ni ne dikonyre gi Okinyo e kwo dhano.
.
If there is development that benefits a society without discrimination its investment in the infrastructure.…
In collaboration with the Financing Locally-Led Climate Action (FLLoCA) program, the Commission on Administrative Justice…
Orange Democratic Movement (ODM) leader Raila Odinga has given a list of demands that…
An article on Facebook Friday 28 February 2025 bore the sensational heading: EACC Hunting Down…
Former Prime Minister Raila Amollo Odinga was on Wednesday welcomed by Governor James Aggrey Bob…
Siaya Governor James Aggrey Bob Orengo today made an undertaking that his administration will work…